Oʻzbekiston Madaniyat va san’atni rivojlantirish jamgʻarmasi delegatsiyasining Moskvaga tashrifi doirasida kreativ sanoat tarmoqlarining yetakchi taʼlim muassasalaridan biri hisoblanuvchi Universal University hamda sobiq sanoat hududlaridagi ijod ahli arboblarini birlashtirgan "Supermetall" va"Vinzavod" zamonaviy sanʼat markazi kabi bunyodkor gʻoyalar maskanlariga tashrif buyurildi.
Tashrif kreativ klasterlarni tashkil etish amaliyotini oʻrganish, ularning ijodiy tashabbuslarini qoʻllab-quvvatlash va yuksak malakali hamkasblar jamiyatlarini rivojlantirishdagi rolini oʻrganishga yoʻnaltirildi. Alohida eʼtibor zamonaviy infratuzilmani yaratish, yosh mutaxassislarni qoʻlab-quvvatlash, davlat va xususiy tuzilmalarning oʻzaro hamkorligini taʼminlashga qaratildi. Mazkur tajriba almashinuvi Oʻzbekistonda kreativ sanoat tarmoqlarini taraqqiy ettirish boʻyicha eng sara xalqaro yondashuvlarni joriy etishga xizmat qiladi.