Menyu
O‘zbekiston Madaniyat va san’atni rivojlantirish jamg‘armasi o‘z jamoasiga taklif etadi!
Biz – O‘zbekiston Madaniyat va san’atni rivojlantirish jamg‘armasi, san’at va madaniyat sohasida salmoqli loyihalar ustida faoliyat yurituvchi, o‘z kasbining mohir ustalaridan iborat jamoamiz. Bizning tashabbuslarimiz kishilarni ilhomlantiradi, yetuklikka erishtiradi va jamiyat uchun diqqatga molik qiymatni yaratadi. Biz ilg‘or peshqadamlik, hamkorlik va mukammallik sari intilishlarni qadrlaymiz.
Biz qanday nomzodni izlayapmiz?
Biz jamoamizning ajralmas qismiga aylanadigan loyiha menejerini qidirmoqdamiz.
Bizlarga:
• loyiha boshqaruvi, ayniqsa san’at, madaniyat yoki kreativ sanoat sohalarda tajribaga ega bo‘lgan;
• murakkab vazifalarni uddasidan chiqish mas’uliyatini o‘z zimmasiga olishga hamda yangi va ijodiy g‘oyalarni taklif etishga tayyor;
• jamoada til topib ishlash va hamkorlar bilan samarali muloqot qilishga layoqatli shaxs lozim.
Talab va mezonlar:
• ma’lumoti: loyiha boshqaruvi, sanʼat, madaniyat yoki tarmoq ixtisoslik fanlari boʻyicha oliy ma’lumotga ega;
• tajriba: shu singari lavozimlarda kamida 2-3 yillik mehnat tajribasi;
• tillar: ingliz va rus tillarida erkin so‘zlashish qobiliyati. O‘zbek tilini bilish mahoratiga afzallik beriladi.
• Ko‘nikmalar:
• loyihalarni boshqarish vositalarini ishonchli egallagan;
• byudjet va moliyaviy hujjatlar bilan ishlash ko‘nikmasi.
Evaziga nimalarni taklif etamiz?
• O‘zbekiston madaniyati va san’atini rivojlantirishga qaratilgan noyob loyihalarda ishtirok etish;
• raqobatbardosh maosh;
• kasbiy kamolotga erishish va xalqaro loyihaviy tashabbuslarda ishtirok etish imkoniyatlari.
• zamonaviy idora va madadkor korporativ madaniyat.
Murojaat shakli:
Tarjimai hol va qiziqishlaringiz bayon etilgan maktubingizni:
📧 info@acdf.uz yoki sh.saidkhanov@acdf.uz’ga yo‘llang.
Savollaringiz bo‘lsa, inson zaxiralari bo‘yicha boshqaruvchimiz bilan bog‘laning: 👤 Shahboz Saidxonov
📧 E-mail: sh.saidkhanov@acdf.uz
📢 SMM menejer bo‘sh ish o‘rni
Madaniyat va san’atni rivojlantirish jamg‘armasi o‘z loyihalarini yurgizish va Jamg‘armaning ijtimoiy tarmoqlardagi munosib nomini yanada mustahkamlashga ko‘maklashuvchi faol va ijodkor SMM-menejerni izlamoqda.
🔍 Faoliyat ko‘lami:
- ijtimoiy tarmoq (Instagram, Facebook, TikTok, YouTube, LinkedIn)lardagi kanallarni yurgizish;
- kontent rejasini ishlab chiqib, uni izchil ro‘yobga chiqarish;
- betakror matn va tasviriy mazmun (xabar, hikoya va qisqa video tasmalar)ni yaratish;
- Meta Ads va Google Ads’larda maqsadli reklamalarni sozlash;
- kontent va reklama kampaniyalarining samaradorligini tahlil qilib, strategiyani takomillashtirib borish;
- auditoriya bilan muloqot qilish, izoh va xabarlarga moderatorlik qilish;
- sohaga oid so‘nggi o‘zgarishlarni kuzatib borib, kontentning dolzarb shakllarini tatbiq etish.
📝Qanday nomzod maqbul?
- SMM bo‘yicha kamida 1 yillik mehnat tajribasiga ega (tajribaga ega bo‘lmagan, ammo portfoliosi mavjud nomzodlarni ko‘rib chiqishga tayyormiz);
- mahoratli muharrirlik va hikoya qilish ko‘nikmalari;
- Canva, Figma, PhotoShop vositalari bilan ishlash qobiliyati;
- tahliliy tafakkur va mushohada yuritish, statistika va miqdor ko‘rsatkichlarini tushunish;
- maqsadli reklama asoslarini bilish;
- serqirra koʻlamdor vazifalarni muvaffaqiyatli uddasidan chiqish, mas’uliyat va tashabbuskorlik;
- raqamli marketingga bo‘lgan qiziqish va o‘z ustida tinmay ishlash istagi;
- mobilografiya ko‘nikmalari olqishlanib, bu maoshni belgilashda inobatga olinadi.
🌟 Taklif etiladigan imtiyoz:
- ish vaqti 9:00 dan 18:00 gacha bo‘lgan shinam idora;
- munosib mehnat haqi (alohida muhokama qilinadi);
- kasbiy o‘sish va rivojlanish imkoniyatlari.
Murojaat shakli:
Tarjimai hol va qiziqishlaringiz bayon etilgan maktubingizni:
📧 info@acdf.uz yoki sh.saidkhanov@acdf.uz’ga yo‘llang.
Savollaringiz bo‘lsa, inson zaxiralari bo‘yicha boshqaruvchimiz bilan bog‘laning: 👤 Shahboz Saidxonov
📧 E-mail: sh.saidkhanov@acdf.uz
O‘zbekiston Madaniyat va san’atni rivojlantirish jamg‘armasida yurist bo‘sh ish o‘rni
Biz O‘zbekiston Madaniyat va san’atni rivojlantirish jamg‘armasi madaniyat va san’at rivojiga ko‘maklashuvchi professionallar jamoasimiz. Bizning loyihalarimiz madaniy tashabbuslar, ta’lim va kreativ iqtisodiyotni qo‘llab-quvvatlash orqali ilhomlantirish, innovatsiyalar va jamiyat uchun qiymat yaratishga qaratilgan.
Bizga qanday nomzod lozim?
Biz Toshkentdagi jamoamiz safiga qo‘shilish uchun malakali yuristni izlamoqdamiz. Eng maqbul nomzod egallashi kutilayotgan xislatlar:
- yuridik, xususan, O‘zbekiston qonunchiligi bo‘yicha kuchli bilim va tajribaga ega;
- huquqiy me’yorlarga rioya etilishini ta’minlash mas’uliyatini o‘z zimmasiga olishga tayyor;
- loyiha va tashabbuslarni tez sur’atli muhitda huquqiy jihatdan qo‘llab-quvvatlashni muvaffaqiyatli uddalay oladigan.
Asosiy majburiyatlar nimadan iborat?
- rahbariyat va xodimlarga huquqiy maslahat va tavsiyalar berish;
- me’yoriy-huquqiy hujjatlar, shartnoma va boshqa rasmiy hujjatlarni tuzish va ko‘rib chiqish;
- davlat xaridlari, import/eksport va davlat boshqaruvi bilan bog‘liq qonun va nizomlarga rioya etilishini ta’minlash;
- sud va boshqa sud jarayonlarida Jamg‘armani tamsil etish;
- qarorlar qabul qilishda madad berish uchun huquqiy tadqiqotlar o‘tkazish va O‘zbekiston qonunchiligini tahlil etish.
Asosiy talab va mezonlar:
Ma’lumot: akkreditatsiyadan o‘tgan oliy o‘quv yurtini tamomlagan yuridik ma’lumot.
Tajriba: yuridik amaliyotda kamida 2 yillik ish tajribasi, shu jumladan, sud ishlarini yuritish va yuridik vakillik.
Tillar: o‘zbek va rus tillarini erkin bilish; ingliz tilini esa o‘rta yoki ravon darajada.
Ko‘nikmalar:
- huquqiy tadqiqotlar, yozish va hujjatlarni ishlab chiqish bo‘yicha kuchli ko‘nikmalar;
- tahliliy fikrlash va muammolarga yechim topish qobiliyati;
- mavhum vaziyatlarda samarali faoliyat ko‘rsatish va belgilangan muddatlarda ijro intizomiga rioya etish malakasi.
Qo‘shimcha ustunlik: madaniyat va san’at sohasi huquqi bo‘yicha tajriba nur ustiga a’lo nur bo‘ladi.
Biz taklif etadigan imtiyozlar:
- O‘zbekiston madaniyati va san’atini rivojlantirishga qaratilgan noyob loyihalarda ishtirok etish imkoniyati;
- jo‘shqin va ijodiy ish muhiti;
- kasbiy o‘sish va xalqaro hamkorlik imkoniyatlari;
- raqobatbardosh oylik maoshi va rasmiy ishga joylashish.
Ariza qanday topshiriladi?
O‘z tarjima hol va maktubingizni quyidagi elektron pochta sh.saidkhanov@acdf.uz manziliga “Yurist – Madaniyat va san’at jamg‘armasi” mavzusi bilan yuboring.
Jamoamiz safiga qo‘shiling va O‘zbekiston madaniyati va san’ati kelajagini shakllantirishga hissangizni qo‘shing!