O‘zbekiston davlat konservatoriyasi va davlat filarmoniyasida “musicAeterna” orkestri musiqachilarining noyob mahorat darslari bo‘lib o‘tdi.
Ushbu mashg‘ulotlar ham talabalar, ham professional musiqachilar uchun qimmatli tajriba bo‘lib, ularga mumtoz musiqa olamiga chuqurroq kirib borish imkonini berdi. Mahorat darslari ishtirokchilari skripka, kontrabas, fleyta, truba, klarnet va litavra kabi cholg‘u asboblarida yetakchi ijrochilar bilan malaka oshirish imkoniyatiga ega bo‘ldilar.
Orkestr sozandalari o‘zlarining ko‘p yillik tajribalari bilan o‘rtoqlashib, mahorat sirlari, sado ohanglarini chiqarish uslublari va murakkab musiqiy asarlarni talqin qilishning nozik jihatlarini ochib berishdi.