Abilxon Qasteyev nomidagi Qozog‘iston Respublikasi davlat san’at muzeyi 2025-yil 19-martdan 1-iyungacha bo‘lib o‘tadigan “O‘rol Tansiqboyev: ijod saylanmasiga nazar” retrospektiv ko‘rgazmasini taqdim etadi.
Ekspozitsiya rassomning 1920-yillardagi modernistik tajriba-sinovlardan tortib to “iliqlik” davrining mahobatli manzaralaridan iborat butun ijod yo‘lini qamrab oladi. Musavvirning asosiy ishlari orasida “Qirmizi kuz” (1931), “Avtoportret” (1935), urush davri asarlari bor.
Ko‘rgazma Tansiqboyev uslubining tadrijiy rivojlanishini bezak san’ati va realizm uyg‘unlashgan Markaziy Osiyoning ruhi va yangi badiiy til izlanishlarini o‘zida aks ettirgan holda ochib beradi.