Ilk bor O'zbekiston Madaniyat va san'atni rivojlantirish jamg'armasi Milan Design Week 2026 doirasida “O‘rik gullaganda” (When Apricots Blossom) nomli ko‘rgazma bilan ishtirok etmoqda. Ushbu ramziy loyiha Brera tumani hududidagi “Palazzo Citterio” saroyida  namoyish etiladi.

Jamg‘arma raisi Gayane Umerova loyihada ishtirok etish uchun o‘n ikki nafar mahalliy va xalqaro dizayner hamda o‘zbek hunarmandlarini taklif etdi. Loyiha taylandlik me’mor Kulapat Yantrasastning konsepsiyasi va muhofizlik qarashlari asosida yaratilgan. Ekspozitsiya yog‘och, ipak, namat, keramika va qamish kabi tabiiy materiallar orqali Orol dengizi mintaqasining hunarmandchilik an’analari, madaniyati va ekologik tarixini poetik talqinda yoritadi.

Ko‘rgazma bilan bir qatorda Orol madaniyat sammiti va “Orol maktabi” tashabbuslari ham taqdim etiladi. Shuningdek, mintaqaning ijtimoiy va ekologik voqeligini aks ettiruvchi maxsus yaratilgan “Suv tugaydigan joy” (Where the Water Ends) nomli film ham namoyish etiladi.

Sizni Milanda kutamiz:
2026-yil 20–26 aprel
Batafsil ma’lumot shu yerda