O‘zbekiston Madaniyat va san’atni rivojlantirish jamg‘armasi raisi Gayane Umerova Saudiya Arabistoni Podshohligi Madaniyat vaziri shahzoda Badr bin Abdulloh bin Muhammad bin Farhon Ol Saud bilan uchrashib, madaniy hamkorlikni mustahkamlash masalalarini muhokama qildi.
Tomonlar zamonaviy san’at va biyennale sohasidagi qo‘shma tashabbuslar, kreativ iqtisodiyot va madaniy turizm sohasidagi loyihalar, Saudiya Arabistonida islom merosi ko‘rgazmasini tashkil etish, shuningdek, Al Musalla badiiy qurilmasi taqdim etilgan Buxoro biyennalesida saudiyalik rassomlarning ishtiroki kabi masalalarni muhokama qildilar.
Uchrashuv ikkala mamlakatning madaniy muloqotni rivojlantirish, san’at va meros sohalarida qo‘shma loyihalarni amalga oshirish, kreativ iqtisodiyotda sheriklikni mustahkamlash hamda YUNESKO qadriyatlarini ilgari surish intilishini tasdiqladi.