25-noyabr kuni Parijdagi YUNESKO bosh qarorgohida Butunjahon madaniy va tabiiy merosini muhofaza qilish toʻgʻrisidagi konvensiya ishtirokchi davlatlari Bosh assambleyasining 25-sessiyasi muvaffaqiyatli yakunlandi. Sessiya Oʻzbekiston raisligida oʻtdi va unda 195 dan ortiq davlat vakillari ishtirok etdi.
Oʻzbekiston Madaniyat va sanʼatni rivojlantirish jamgʻarmasi hamda Oʻzbekistonning YUNESKO ishlari boʻyicha Milliy komissiyasi raisi Gayane Umerova rahbarligida sessiyaning ikkinchi kuni yakunlari umumlashtirildi.
Muhokamalar davomida ishtirokchilar Jahon merosi obyektlarini saqlash va samarali boshqarish boʻyicha strategik ustuvor yoʻnalishlarni oʻz ichiga olgan kun tartibidagi asosiy masalalarni koʻrib chiqdilar.